Davao City – Gikumpirma ni Police Chief Inspector Anjanette Tirador ang tigpamaba sa Tagum PNP nga adunay nahitabong bangga sa ilang area of responsibility nga gikalambigitan sa usa ka motor ug bus diin upat ang natalang patay.
Matud pa kang Tirador nga paggawas na gikan sa terminal ang bus ug dihang padulong na kini sa may kurbada nga bahin, nakatagbo niini ang motor nga gikan sa Magdum Tagum diin angkas niini ang mga biktima kalakip na ang usa ka 10 anyos nga bata.
Misulod sumala pa sa lane sa bus ang motor nga maoy hinungdan sa pagkabangga. Gideklara na matud pa sa mga doktor nga dead on arrival ang mga biktima human ang aksidente.
Gitino sab sa opisyal nga hugtanon nila nga gipatuman ang pagdili sa sobra nga pagpasakay sa motorsiklo apan dihang nahitabo sumala pa ang aksidente, wala na matud pay mga traffic enforcers nga nagbantay sa kadalanan sanglit alas onse na sa kagabhion kini nahitabo.
Nanawagan na lamang ang opisyal ngadto sa publiko ilabi na kadtong nagamaneho ug motorsiklo nga kinahanglan magsuot ug helmet ug huna-hunaon kanunay ang kaluwasan aron makalikay sa disgrasya.
Sunod-sunod nga pahayag ni Police Chief Inspector Anjanette Tirador ang tigpamaba sa Tagum PNP.
