-- ADVERTISEMENT --
DAVAO CITY – Andam na matud pa ang kapulisan ning dakbayan alang sa ipahigayon nga simulation exercise (simex) sa Pebrero 28 ngadto na sa Marso 1 ning tuig kasamtangan.
Matud pa kang Police Chief Supt. Manuel Gaerlan, director sa Police Regional Office (PRO) 11, nga anaa karon sa dakbayan ang National Headquarters team nga mogiya sumala pa sa mga kapulisan ayha ang adlaw sa Simex ug nagpadayon na sab karon ang ilang mga coordination meeting.
Dili pa sab mabutyag ni Police Chief Supt. Gaerlan kung aduna bay mga dalan nga pasirad-an sa nahisgutan nga mga adlaw.
Dakong tabang matud pa ang maong lakang aron nga makapangandam ang kapulisan sa higayon nga adunay dakong hulga ug kalamidad nga mahitabo sa siyudad.
