DAVAO CITY – Mopahigayon ug Human Rights Summit ang mga Human Rights Group dinhi sa dakbayan sa Davao karong semanaha.
Nasayran gikan kang Jay Apiag, tigpamaba sa Karapatan Southern Mindanao nga tumong sa nahisgutan nga Summit mao ang paghisgot labot sa gika-ingong nga human rights violation sa mga katilingban sa kabukiran.
Salmutan kini sa daghanan nga mga delegado, gikan sa nagkada-iya nga mga human rights group, ug sa mismong mga human rights victims gikan sa Southern Mindanao, lakip na sa North ug South Cotabato.
Sa tala-an sa Karapatan anaa na sa 68 ang mga nangahimong biktima sa mga political killing dinhi sa Southern Mindanao sulod sa administrasyon ni Pangulong Rodrigo Duterte.
Sumala kang Apiag nga ang resulta sa summit ilang isumete sa joint monitoring committee sa kagamhanan ug sa NDF, ingon man sa makabayan bloc alang sa paglusad ug mga inquiry o kaha pagduso ug resolution aron nga matubag ang human rights violation sa kaumahan.
