Gihulat na lamang karon sa kapulisan sa Tagum City ang resulta sa otopsiya sa patay’ng lawas sa dos anyos nga batang babaye nga gipatay aron nga masayran kung gimolestiya ba kini sa mga gituohang miyembro sa gang sa nahisgutan nga dapit.
Hangtud karon dili pa gihapon madawat ni Catherine Duterte ang gidangatan sa iyang anak nga si alyas Julia bisan nga nasikop na ang usa sa mga suspek sa krimen.
Kahinumduman nga nakita na lamang nga wala nay kinabuhi ang biktima sa kasagbutan nga bahin sa Purok 12, Brgy. San Miguel lungsod sa Tagum.
Una na sab nga gibutyag ni Police Senior Supt. Anjanette Tirador, Spokesperson sa Tagum City PNP, nga aduna na silay person of interest nga mamahimong dalan aron nga masayran kung asa nagtago-tago ang uban pa nga mga responsable sa krimen.
