DAVAO CITY – Gimando karon sa lokal nga kagamhanan ang suspension sa klase sa tanang level sa mga pampubliko ug pribadong mga tulunghaan sa tibuok dakbayan sa Dabaw karong adlawa Martes, February 13, 2018, gumikan sa Tropical Storm Basyang.
Subay sa sever weather Bulletin #8 alang sa tropical storm Basyang nga gipagawas alas 8 kagabii, masinatian ang katag-katag hangtud na sa lapad ug kusog nga pag-ulan sa mosunod nga 24 oras latas sa Visayas, Caraga, Northern Mindanao — diin makaapketo usab sa dakbayan sa Dabaw.
Hinuon, gitin-aw sa lokal nga kagamhanan nga dili apil sa suspension sa trabaho sa mga empleyado sa gobyerno. Samtang, mag-agad usab sa management sa mga pribadong kompanya/sektor ang pagkansela sa trabaho sa ilang mga emplyedo.
Sa pikas bahin, ang mga nag-puyo sa mga flood ug landslide-prone areas padayong gidasig nga kanunayng magbinantayon ug mangandam alang sa ipatumang preemptive evacuation kung gikinahanglan.
Dili na sumala pa mapaabot nga aduna pay mahitabong kadaut ug diha-diha daling mohimo ug ilang voluntary evacuation.
Alang sa emergencies tawag dayon sa 911.
