DAVAO CITY – Nakatala sumala pa ang Land Transportation Franchising and Regulatory Board (LTFRB) 11 ug pagsaka sa ilang kolekesiyon sa milabay nga 2017 kung itandi sa 2016.
Subay sa record sa LTFRB 11, nakakolekta sumala pa sila ug kinatibuk-an nga P32.142 million sa 2017, o 20 porsyento ang gitaas kung itandi sa P26.95 million nga ilang nakolekta sa 2016.
Matud pa kang LTFRB 11 regional director Atty. Teresita P. dela Peña-Yñiguez nga ang ilang koleksiyon sa milabay nga tuig misobra sa ilang target income nga P28.144 million.
Gikanayong seryoso sumala pa ang LTFRB-Davao sa pagtuman sa ilang mandato aron nga makahatag ug tarong nga serbisyo ngadto sa publiko.
Gitataw sab ni Yñiguez nga ang filing fees ug supervision fee, miscellaneous fees, ug mga multa maoy pipila sa mga hinungdan nga misaka ang ilang koleksiyon.
