DAVAO CITY – Laing pahimangno na sab ang gipagula karon sa Food and Drug Administration (FDA) aron nga pahimangnoan ang publiko nga likayan ang pagpalit sa lima ka mga food products nga wala nakapasar sa ilang quality evaluation.
Gitumbok sa FDA ang mga produkto nga Furuta Chocolat l’additon milk chocolate + strawberry cream, Pizza Pretzel, Great Value California Raisins, Imperial Violet Caramel Cream Cracker, ug Japan Home Chili Flakes.
Gikanayong ang nahisgutan nga mga produkto walay Certificate of Product Registration nga mosigurong maayo ang kalidad sa produkto hinungdan nga dili sab makahatag ug garantiya ang FDA sa kalidad ug kaluwasan niini.
Gitambagan karon sa ahensiya ang publiko nga dili mopalit sa nahisgutan nga mga produkto samtang gipahimangnoan sab kadtong mga establisyemento nga dili kini ipakatag hangtud nga walay tukma nga pagtugot gikan sa ahensiya.
