DAVAO CITY – Gi-andam na karon ang Davao City Planning and Development Office (CPDO) ang mga dokumento alang sa pagpalit ug luna nga gamiton sa gisugyot nga sanitary landfill.
Apan gibutyag ni CPDO office-in-charge Ivan Cortez nga ayha makalihok ang Mayor sa nahisgutan nga mga dokumento, kinahanglan mohatag una ang nanag-iya sa luna ug pagtugot nga ibaligya nila ang luna dayon ang appraisal committee maoy mo-assess sa kantidad niini matag per square meter ug per hectare.
Gibutyag ni Cortez nga kung dili sumala pa motugot ang nanag-iya sa presyo, magpahigayon sila ug conference call aron nga i-negotiate kini kauban ang implementing agencies ug appraisal committee.
Dugang sa nahisgutan nga pipila sa mga implementing agencies gilangkuban sa City Engineer’s Office (CEO), City Treasurer’s Office, City Assessor’s Office, Davao City Planning and Development Office, ug Davao City Environment and Natural Resources Office (CENRO).
