DAVAO CITY – Gihikay na ang kaso batok ngadto sa usa dinakpan nga suspek nga naila nga usa ka Chino Morales Espenosa, 33 anyos, taga-Kilometer 4, J. P. Laurel Avenue, Barangay 19-B, ning dakbayan sa Davao.
Gidagop ang suspek human napalitan ug shabu alas 12:10 kaganinang kaadlawon sa JP Laurel Avenue tabok lamang sa Abreeza Mall.
Nakuha sa dinakpan ang marked money nga usa ka libo ka pesos nga gibayad sa poseur buyer nga gibayad sa usa ka pinataas nga transparent plastic sachet nga gituohan nga dunay shabu. Gawas sa buy bust item nakuha-an sab kini ug lain pang elongated plastic sachet nga naundan sa gikatuohan nga shabu, ug usa ka unit sa Gluck Pistol Replica, Air soft nga magazine, ug kantidad nga P1,500 ka pesos nga cash.
Kasohan ang suspek ug paglapas sa section 5 ug section 11, concealing of illegal drugs ug possession of illegal drugs, ubos sa Article 2, sa Republic Act 9165 kon Comprehensive Dangerous Drug Act of 2002.
