DAVAO CITY – Subling nagka-tensyon sa Purok Cabaguio, sa Barangay Wilfredo Aquino, Agdao ug ang mga trabahante sa Pamintuan Enterprises Incorporated human nga gibabagan sa mga residente ang pagkoral sa lugar.
Gibarogan sa mga residente nga dili gayud nila tugotan nga makoral ang 1,800 ka metros kwadrado nga luna sa yuta nga gitokoran sa ilang mga balay.
Gumikan niini wala gihinayon sa mga trabahante sa Pamintuan Enterprises ang pagkoral sa dapit, apan gibarogan sa kopmpanya nga sila ang nanag-iya sa nahisgutan nga luna.
Nagpakitabang na sa Presidential Commission for the Urban Poor (PCUP) ang mga residente gumikan kay wala pa sila nakabangon sukad nga nasunogan niadtong pagsulod sa bag-ong tuig.
Suliran sab nila ang pagpataud ug kuryente sa ilang kabalayan. Mokabat ngadto sa 164 ka mga pamilya ang nanimuyo sa giilogan nga luna sa yuta.
