DAVAO CITY – Gitambagan ang mga kabomberohan sa syudad sa Dabaw ug tibuok Davao ug Davao Region nga magbaton ug breathing apparatus.
Nasayran sa Bombo Radyo Davao nga mismong si John White, ang presidente sa Fire Fighter for Christ International ang nagpahayag nga mas daghanan pang kinabuhi ang maluwas kung adunay mga ma trap sa sunog ug makasulod usab ang mga bombero bisan pa man init ang lugar ug baga ang aso.
Milaum usab ang mga langyaw nga bombero nga aduna sa gihapoy potensyal ang mga bombero sa dakbayan sa pag responde sa sunog bisan ug wala pa ang mga breathing Apparatus.
Kahinumduman nga miabot sa 38 katao ang namatay sa dakong sunog sa NCCC ug karon lang usab nasayran nga dili igo ang ekipo sa Bereau of Fire Protection XI sa pagluwas ug kinabuhi labi na kung anaa sa ikaupat nga andana sa usa ka gambalay ang mga biktima.
