DAVAO CITY — Giduaw kagabii ni Panuglong Rodrigo Duterte ang mga sundalo nga nangasamdan sa sunod-sunod nga enkwentro tali sa mga rebelding NPA ug gihataan ug pasidungog sulod sa Camp Panacan Station Hospital.
Dungan niini, gidayeg ni pangulong Duterte ang ka-isog sa mga sundalo, ug misaad nga mohatag ug tabang pinansiyal ug suporta sa pamilya sa mga nahisgutan.
Buot sumala pang personal nga masayran sa pangulo ang kahimtang sa mga sundalo nga nasamdan sa bulag nga mga engkwentro sa NPA sa nagkadaiyang bahin sa rehiyon sa mindanao.
Kini ang gilangkuban nila Private First Class (PFC) Ryan Millet nga nansamdan sa encounter sa Lumiad, Paquibato District niadtong enero 15; Corporal (CPL) Joshua de Jesus ug PFC Geraldo Massalang nga nasamdan sa pakigsangka sa NPA niadtong enero 25 sa Barangay Mapula, Paquibato District. CPL Julius Delmo ug Staff Sergeant (SSgt) Julius Ledesma – nasamdan sa encounter sa Sitio Tadia, Barangay Bantacan, New Bataan niadtong January 20, ug mga CAFGU Active Auxiliary (CAA) Oligario Rollorata, CAA Jimmy Gonzaga, ug CAA Edgar Delima nga nanga-angol sa panagsangka sa Makilala, North Cotabato.
Personal nga gitaud ni pangulog Duterte ang medals of the Order of Lapu-Lapu, Rank of Kampilan ngadto sa mga sundalo isip paghatag ug pasidungog sa ilang ka-isog, ug pagsakripisyo.
Gawas sa financial assistance, gihatagan usab sa pangulo ang mga sundalo ug smartphone ug armas.
Gipahinumduman sa pangulo ang mga sundalo nga kanunay’ng mag-igmat ug magbinantayon batok sa hulga sa mga komunistang rebeldi.
