DAVAO CITY – Mi-surender sa kasundaluhan ang Chairwoman sa progrisibong grupong Anak Pawis Mati City Chapter.
Si Gemma Burgos Quiroga alyas Mea, 35 anyos, minyo ug nagpuyo sa Brgy. Calapagan, Lupon, Davao Oriental ang mi-surender dala ang mga medical paraphernalia ug mga subersibong dokumento.
Subay sa report si Quiroga ang mi-surender sa 28th IB ilalom kang Lieutenant Colonel Ramon P Zagala sa Brgy Dawan, Mati City pinaagi sumala pa sa paningkamot sa usaka Brgy Kagawad sa Brgy Calapagan, Lupon, Davao Oriental.
Atol sa interogasyon sa militar gibutyag ni Quiroga nga una siya napahimutang sa iyang kasamtangang posisyon isip chairman sa Anak Pawis sa Mati city, nahimo siyang Squad medic sa SECOM 18, SRC2, SMRC sa CPP-NPA niadtong 2012.
Nahukman sumala pa ni Quiroga nga mosurender aron magbatonnug malinawon ug normal nga kinabuhi uban sa iyang pamilya.
Dali usab kining gipa-ilalom sa medical examination ug custidual debriefing.
Samtang, gikanayon usab ni Major General Noel Clement commander sa 10ID nga padayon ang ilang pagdawat ug nga surrenderees.
Gipaniguro usab niini sa katawhan nga mas gipalig-on sa militar ang kampanya aron panalipdan ang komunidad batok sa NPA.
Kahinumduman nga sa iyang pag-abot sa Davao gikan pagbisita sa India, subling giluwatan ni pangulong Rodrigo Duterte ang iyang kamanduan nga lutuson ang mga kumunistang rebeldi.
