DAVAO CITY – Mikabat sa unom ka mga M16 rifles, 2 ka AK47 rifles, 1 M14 rifle, 1 IED ug nagkadaiyang ammunitions ug magazines ug duha ka motorsiklo ang nakuha sa kasundalohan gikan sa mga NPA sa Baraggay Tacul, Magsaysay Davao del Sur.
Una niini, naka-engkwentro sa 73rd ug 72nd Infantry Batallion ang NPA sa nasampit nga lugar.
Kini atol sa pagpahigayon ug checkpoint sa tropa sa kagamhanan sa dihang 4 ka NPA nga sakay sa duha ka motorsiklo ang miagi ug gipamusil ang mga gapahigayon ug checkpoint kung diin miabot sa 10 ka minuto ang nahitabong kinambyohay ug bala.
Dali usab nga nanibat ang mga rebelde ug nahibilin ang mga nasampit nga mga butang.
Ang maong enkwentro ang pinaka-unang natala karong tuiga.
Samtang, padayon sumala pa nga magpahigayon ug nagkadaiyang matang sa military operations aron nga padayon nga mamonitor ug madakpan kadtong gahimo ug dautan sa komunidad diin sila nadestino.
