DAVAO CITY – Naglaom ang Davao City Investment and Promotions Center (DCIPC) nga molambo ang investments sa siyudad karung tuiga gumikan sa pagsulod sa mga firms ug proyekto sa agrikultura, turismo, business parks ug health care facilities.
Gikanayong lima ka porsyento ang gisaka sa ihap sa mga business establishments sa siyudad karung tuig 2018.
Una na sba nga gibutyag sa Davao City Business Bureau nga kapin 41,164 ka mga negosyo sa dakbayan ang adunay permit kaniadtong 2017 diin pinakadako niini ang naggikan sa retail sector.
Gitataw sab ni Business Bureau officer-in-charge lawyer Marissa Torrentera, nga mas dako sumala pa kini kung itandi sa 36,000 ngadto na sa 38,000 business establishments nga adunay permits sa siyudad kaniadtong 2016.
Dakong tabang sumala pa sa paglambo sa negosyo ang kahusay ug kalinaw sa dakbayan ingon man dinhi nanimuyo si Pangulong Rodrigo Duterte.
Nasayran sab kang DTI Davao Region Section Chief for Business Registration, Licensing, and Accreditation engineer Ruel Braña, nga ang business trend sa 2017 mao ang food establishments ingon man laundry shops.
