DAVAO CITY – Gipa-abot na lamang karon sa Department of Interior and Local Government (DILG) ang kamandu-an ni Pangulong Rodrigo Duterte nga hingpit na nga pulihan si resigned Davao City Vice Mayor Paolo ‘Polong’ Duterte.
Gikanayon ni DILG Davao Director Vicky Sarcena, pinasikad sa law of succession ang sunod nga ranking official, mao ang mohulip kang Polong. Gihimong basehan niini ang taas nga porsiento sa mga boto sa matag congressional district tandi sa kinatibuk-an nga boto nga natigum.
Kung basehan ang resulta sa nakalabay nga pili-ay, migula nga si Konsehal Bernard Al-ag, ang dunay pinakataas nga porsiento sa mga boto nga mikabat ngadto sa 47.17 ka porsiento.
Una nang gidawat ni Pangulong Rodrigo Duterte ang resignation ni Polong Duterte hinungdan nga gihulat na lamang karon sa DILG ang opisyal nga kamandu-an ni Pangulong Rodrigo Duterte.
