DAVAO CITY – Misaad ang pamunoan sa Criminal Investigation and Detection Group (CIDG) sa Davao del Sur nga dili nila undangan sa paggukod sa mga “loose firearms” sa lalawigan.
Una ng nanawagan si Chief Inspector Francis Sonza, hepe sa CIDG-DavSur ngadto sa publiko nga gilayong makiglambigit ngadto kanila sa higayon nga adunay masayran nga mga indibiduwal nga nagadala ug armas.
Tipik lamang ang pahayag sa opisyal human nga nagpadayon karon ang pagpatuman sa Martial Law dinhi sa Mindanao.
Sa kasamtangan, padayon sumala pa ang ilang pagpangita sa mga suspek nga naghupot ug armas ug gitudlong responsable sa mga nahitabong pagpamusil sa lalawigan sa milabay nga bulan sa Disyembre.
Gipasalig sa opisyal nga magpabilin nga confidential ang pagkatao sa mga mohatag kanila ug impormasyon sa mga naghupot ug armas ilabi na kadtong walay mga lisensiya.
