DAVAO CITY – Dali nga gidala sa Southern Philippines Medical Center (SPMC) ang usa ka dese nueve anyos nga lalaki nga nailing usa ka Alvin Gomez, 19 anyos, residente sa Monteverde, Agdao, ning dakbayan sa Davao.
Nasayran nga pauli na ang nahisgutan nga biktima sa ilang balay gikan sa trabaho, dihang kalit na lamang nga gidoul sa mga rugby boys ug wala’y pagduhaduha ug wala’y daghan nga estorya gidunggab sa suspek ang biktima hinongdan nga nakahi-agum ug samad sa kilid ug tiyan nga bahin.
Dali nga gidala sa balay tambalanan ang nahisgutan nga biktima ug sa kasamtangan nagpa-alim pa sa nahi-aguman nga samad dinunggaban.
Ang kapolisan sa Sta. Ana PNP padayon nga mihimo ug imbestigasyon kabahin sa panghitabo aron nga madakpan ang mamumuno ug kapasaka-an ug kaso ang mga responsabli.
