DAVAO CITY – Napasakahan na ug kaso sa Office of the Prosecutor ang unom sa napulo ka mga firecracker ban violators human sila nasikop sa otoridad nga nagpabuto atol pagtagbo sa bag-ong tuig.
Kalakip sa mga napasakahan ang duruha ka mga lalaki nga taga Mutual Homes, Barangay Communal, Buhangin District.
Kasong kalapasan sa City Ordinance 062-02 o fire cracker ban ang giduso batok nila ni Michael Libre Sistual, 36, ug Nick Ontolan Flores, 31 susama nga residente sa nahisgutan nga lugar.
Kahinumduman nga aktong nasakpan ang mga duruha nga nagsindi ug pyrotechnic fountain.
Temporaryo nga gikustodiya ang mga nahisgutan sa Buhangin Police Precinct samtang naghulat nga maresolba ang ilang gi-atubang nga reklamo.
Subay sa police records, kinatibuk-ang 10 ka mga firecracker ban case ang ilang natala sa milabay nga pagtabo sa bag-ong tuig apan upat sa mga nalambigit puros mga minor de edad.
