DAVAO CITY – Gipasegarbo sab sa Eastern Mindanao Command (Eastmincom) nga daghanan sa ilang mga ginsakpan ang nahimong kabahin sa mga malampuson nga naka-donate ug dugo sa Dugong Bombo 2017 Blood Letting activity.
Sumala pa kang Major Ezra Balagtey nga naandan na gayud nila nga mosalmot sa ingon niini nga kalihukan, labi na nga ang ilang propesyon usahay modala kanila sa panggubatan nga dunay mga ginsakpan nga manga-igo ug mangasamdan ug kadaghanan nanginahanglan sab ug pag-abuno sa dugo.
Niining milabay nga adlaw ang mga ginsakpan sa Eastmincom wala gayud magpanagana sa pag-donate ug dugo sa pagtuo nga kini makatabang ug daku sa mga nanginahanglan, labi na niining mga bulana sagad nga nihit ang supply sa dugo, ug pinaagi sa Dugong Bombo 2017 kataplan ang nahisgutan nga kakulangon.
