DAVAO CITY – Gikatakdang magpahigayon ang Civil Aviation Authority of the Philippines (CAAP) ug test flight human nga misaad na ang engineer sa Aeon Towers nga tangtangon ang boom crane sa gitukod nga gambalay ayha ang adlaw nga sa lunes.
Matud pa kang konsehal Bernard Al-ag, majority floor leader, nadesisyonan ang pagpahigayon ug test flight human nga misaad ang pamunuan sa kompanya nga ila gilayon nga hatagan ug solusyon ang reklamo.
Kahinumduman nga nahimong hinungdan ang nahisgutan nga crane sa mga mis-approaches ug pagkalangan sa mga flights sa eroplano.
Una na sab nga nagbahad si Davao City Mayor Sara Duterte nga lima ka adlaw lamang ang iyang tagal aron nga tangtangon ang boom crane ug kund dili kini mahimo sa kompanya, dili tugtan nga makapahigayon ug negosyo sa siyudad.
Samtang gikonsidera sab karon ni konsehal Bonifacio Militar, ang pag-amyenda sa local ordinance kalabot sa gitas-on sa gambalay nga itugot sa CAAP aron nga dili makasinate ug susama nga suliran sa umaabot nga panahon.
