DAVAO CITY – Buot ni Davao City Mayor Sara Z. Duterte-Carpio nga magpabilin una sa dinhi sa dakbayan ang mga bakwit nga gikan sa Marawi samtang ipahigayon ang rehabilitasyon sa giilang Islamic City.
Gipasabot sa Mayor nga buto lamang niya nga mamahimong stable ang bakwit kung mobalik na kini sa ilang lugar.
Sa kasamtangan, makiglambigit una ang lokal nga panggamhanan ngadto sa Department of Social Welfare and Development sa rehiyon sa Marawi aron nga hapsay ang pagbalik sa mga bakwit.
Gitataw sab sa opisyal nga gihangyo na sab ni City Social Services and Development Office head Maria Luisa Bermudo ang 479 ka mga bakwit nga dili una mobalik sa ilang mga panimalay gumikan sa maong rason.
Gibutyag sab ni DSWD 11 spokesperson, Carmela Duron, nga mohatag ug assistance ang ilang buhatan ngadto sa mga bakwit apan kinahanglan nga mokuha ug kini ug certification gikan sa lokal nga panggamhanan sa Marawi City o sa opisyal sa Philippine National Police o Armed Forces of the Philippines sa lugar.
Dugang ni Duron nga mamahimo pa gihapon nga makuha ang nahisgutan nga rekisitos pinaagi sa email, social media o fax.
Gikinahanglan ang maong requirement aron nga ma-claim ang assistance nga ihatag sa ahensiya sama sa transportation sa mga bakwit nga buot na nga mouli sa ilang mga pinuy-anan.
