DAVAO CITY – Gikatakdang mopahigayon ang Department of Energy (DOE) ug E-Power Mo Energy Investment Forum and Stakeholders Conference karung adlaw sa usa ka hotel ning siyudad.
Highlight niini ang mga bag-ong innovations ug pagpalambo sa sektor sa enerhiya ug aron maangkon sa gobyerno ang energy policy agenda.
Matud pa kang DOE Assistant Secretary Redentor Delola, hisgutan nila ang mga energy programs sa gobyerno, energy opportunities, development plans, polisiya, demand outlook alang sa mindanao ug daghanan pa.
Kahinumduman nga niadtong milabay nga bulan sa Hulyo, gilusad sa DOE inabagan sa mga nagkadaiyang ahensiya sa kagamhanan ang “E-Power Mo!” campaign nga mo-edukar ingon man mohatag ug tukma nga impormasyon ug opsiyon sa paggamit ug enerhiya nga mao sumala pay dalan aron nga mas mapalambo ang ekonomiya sa nasud.
