DAVAO CITY – Gitino sa konseho ning dakbayan sa Davao nga adunay ginapatuman nga committee re-organization hinungdan nga natural lamang nga adunay mga konsehal nga makuhaan ug komitiba.
Kahinumduman nga una ng gibutyag ni Konsehal Danilo Dayanghirang nga igo lamang nila gi-alalayan ang kaubanang konsehal nga si Councilor Nilo “small” Abellera sa mga suliran nga gi-atubang sumala pa niini partikular na ang paglambigit kaniya sa kontrobersya sa Bureau of Customs.
Sumala pa ni Dayanghirang, wala nay laing rason sa ilang gihimong lakang kung dili buot lamang gayud nilang tabangan si Small gumikan kay ilang nakita nga apektado kini ilabi na ang iyang panglawas sa gi-atubang nga problema.
Hinuon gitino sa opisyal nga padayong aktibo si Small isip konsehal sa unang distrito sa syudad sa Dabaw si Abellera.
Una ng gibutyag ni Vice Mayor Paulo Duterte nga gikuhaan nila ug komitiba si Konsehal Abellera gumikan kay dili nila buot nga mabakante ang tahas niini ilabi na ang kahusay ug kalinaw sa siyudad nga ilalom sa iyang komitiba.
