DAVAO CITY – Subling gitino sa ahensiya sa National Food Authority (NFA) nga bastante ug adunay igong supply NFA rice dinhi sa rehiyon apan kinahanglan lamang una nila nga hutdon ang ilang mga stocks sa sinako nga bugas kaniadtong 2016.
Kahinumduman nga daghanang mga tindahan ug bugas dinhi sa dakbayan ang nagpasibaw sa ilang kadismaya gumikan kay limitado lamang nga sako sa NFA rice ang gihatud sa ilang tindahan samtang ang uban napugos na lamang sa pagpanira.
Una ng gibutyag ni Edegary Roncal, NFA Davao provincial manager nga kasamtangan, gihulat pa sa NFA Davao ang pagtugot gikan sa NFA Central office kung mamahimo na ba nga i-release ang mga sinakong bugas nga naa karon sa ilang bodega.
Mihatag sab kini tu katin-awan nga mikabat sa 12,500 metric tons o 2,500 ka mga sako sa bugas nga gikan Thailand ang miabot dinhi sa dakbayan nga kabahin sa buffer stock sa NFA Davao alang sa tuig 2017.
Malangay lamang sumala pa ang pa-release niini gumikan kay lahi ang proseso sa disposition niini kung ibaligya ba kini sa merkado sa susama pa gihapon nga presyo.
Gibutyag sab sa opisyal nga wala sila nagpasagad sa ilang trabaho ug gihatagan matud pa nila ug pagtagad ang kadismaya sa mga retailers.
Matag adaw sumala pa nga motawag sa ilang head office aron lamang mangayo ug update niini.
