DAVAO CITY – Gipahimangnoan sa Commission on Audit (COA) ang Davao City Water District (DCWD) nga siguruhon ang legalidad sa ilang propedad gumikan kay sagad sumala pa sa ilang mga luna ang kulang ug ownership documents sukad Disyembre 2016.
Subay sa 2016 COA annual audit report, adunay propedad ang DCWD nga 29 uban ang total land area nga 13,082 square meters, 23 ang walay titulo, 15 niini ang nakuha pinaagi sa cash payment, lima ang gidonar samtang tulo ang nailhan kung paunsa nakuha sa DCWD ang maong propedad.
Nasayran nga 13 niini ang wala pa gi-asikaso hangtud karon aron nga magbaton ug titulo, 11 ang kasamtangan nga gi-proseso samtang lima ang adunay legal isyu.
Girekomenda karon sa COA ngadto sa kadumalahan sa DCWD nga mohimo ug mga polisiya aron nga masiguro nga ang mga nakuha nila nga propedad bisan pa man nga cash o donasyon kinahanglan nga walay legal issues o sulbaron kung adunay pipila ka mga propedad nga walay titulo.
