DAVAO CITY – Balhug sa bilanggo-an ang tulo ka mga suspetsado nga gikatahapang nahilambigit sa pagpangilad gamit ang mga peke nga bulawan.
Naila ang mga dinakpan nga mao sila si Vanisa, Aldori Manomboc ug usa ka alyas Toto nga pag-umangkon ni Vanisa.
Sumala pa kang Vanisa nga nakigtransaksyon sila sa mga mamaligya-ay ug bulawan sa Katipunan, Marilog, ning Dakbayan sa Davao niadtong Hunyo 7.
Si Vanisa nga gikan sumala pa sa Dubai gipa-anhi sa dakbayan sa Davao aron nga mamalit ug bulawan sa iyang agalon, kauban ang usaka Celena Crisostomo nga mao ang ilang secretary.
Human makita ang tinuod nga bulawan nangandam na ang grupo ni Vanisa alang sa pagdawat sa gold bar.
Nagkantidad sumala pa ang usa ka gold bar ug tres milyones pesos ug gipangayo-an sumala pa sila ug tresientos mil ka pesos.
Si Crisostomo ang nagdala sa kwarta ug mikanaug na lamang kini ug namahayag nga gidagan na ang ilang kwarta sa mga suspek atol sa seremonya nga kaliwa-an.
Mi-report gilayon si Vanesa sa Marilog PNP ug nagpakitabang labot sa ilang gidangatan.
Inay nga sila ang nagpakitabang sila na hinoon ang gipangdetene human nga mi-kiha si Celena Crisostomo ug gi-akusahan si Vanisa, Adori Manomboc ug usa ka alyas Toto isip nakigkonsabo sa senikato aron nga makawat ang tresientos mil ka pesos nga kwarta.
