DAVAO CITY – Suportado ni Vice Mayor Paolo Duterte ug mga sakop sa ika-dese otso nga konseho si Mayor inday Sara Duterte-Carpio batok sa mga pagpanghasi sa mga rebeldeng NPA.
Atol sa pag-abli sa sesyon sa konseho, sa privilege hour mipadangat ug pakigpulong si Vice President Duterte ug ang mga sakop sa konseho nga mibatbat kalabot sa pinakaulahi nga pagpangatake sa mga rebeldeng NPA niadtong sabado sa kaadlawon diin na-ugdaw ang Box Plant ug Plastic Plant sa Lapanday Foods Corporation.
Si Vice Mayor Duterte mikondena sa gihimong pagpangatake sa mga rebldeng NPA ug mipadangat sab sa iyang kalouy ngadto sa usaka fish vendor nga naigo sa shrapnel sa land mine nga gipabusikad sa mga rebelde nga nakapabilin sa coma nga kahimtang sa biktima nga usaka ka Larry Timbal Buenafe, 34 anyos, nga gihulagway niya nga usa ka hard working Davaoño nga nanginabuhi lamang alang sa iyang pamilya.
Ang konseho mipadangat sab sa ilang suporta sa lakang ni Mayor Inday Sara Duterte aron nga batokan ang mga NPA ug kapugngan na ang pagpanghasi, pagpangilkil ug uban pang terorismong kalihukan sa mga NPA dinhi sa dakbayan.
Gisukna niya ang mga NPA kung wala pa ba gipangkapoy diin mga halos lima ka sekada na nga nakigsangka nga wala pa gihapo’y na-angkon nga tinusbawan.
Sumala pa kang Vice Mayor Duterte nga unom ka tuig lamang ang termino sa iyang amahan, Pangulong Rodrigo Duterte ug posibling dili na maka-angkon ang nasod ug susamang matang sa kagamhanan nga mo-amuma sa katawhan.
