DAVAO CITY – Nakahi-agum ug danyos ang pipila ka bahin sa Aliwagwag Eco Park human kini maigo sa mga bala atol sa panagsangka sa Section 20 sa mga rebeldeng NPA ug kasundalohan sa kagamhanan alas 4:30 sa kaadlawon niadtong Dominggo.
Sumala pa kang Senior Inspector Butz Kevin Raki, hepe sa Cateel Police Station ang Parke diin nahimutang ang bgase camp sa 67th Infantry Battalion, nakahi-agum ug pagkasunog, samtang ang waiting shed sa zip line nga doul sa base camp naguba sab.
Sumala pa kang Maj. Gen. Rafael Valencia, commanding Gen. sa 10th ID Philippine Army nga gipakita lamang sa mga rebelde nga wala kini magtamod sa seguridad ug panginabuhi-an sa katawhan sa Barangay Aliwagwag.
Gikondena sab sa kasundalohan ang mga rebelde gumikan sa pag-atake niini sa tourist distination sa Davao Oriental.
Giklaro ni Capt. Rhyan Bachar, 10th ID spokesman nga balik na sa normal ang operasyon sa Aliwagwag Falls nga usa sa mga ginadayo sa mga turista niining panahon sa summer.
