DAVAO CITY – Nagabayad ug P1,000.00 matag gabii si Crime Laboratory Eleven Assistant Director Police Supt. Maria Christina Nobleza sa hotel nga iyang gisak-an sukad ma-distino sa Davao.
Kini ang gikompirma ni Police Supt. Georby C. Manuel, Officer-In-Charge sa crime lab Davao uban sa pagkanayon nga gihinabi niya kini ug gihisgutan nga sa iyang sweldo nga P40,000.00 mogasto sab kini ug P30,000.00 sa hotel.
Mihanyag si Manuel nga motabang sa pagpangita ug boarding house alang kang Nobleza apan wala modayon sa pagpuyo ang crime lab assistant uban sa pag-ingon nga ang iyang bana nga police attache sa Pakistan nagapadala ug suportang penansyal kaniya.
Gikompirma sab sa hotel nga dunay mga panahon nga kuyog ni Nobleza sa hotel ang iyang driver nga si Ren Ren Dungon.
Hinoon dunay mga panahon nga halos matag adlaw nga ginatagbo sa patrol car sa SOCO si Police Supt. Maria Christina Nobleza.
Ginasuta na karon sa Armed Forces of the Philippines ug sa Philippine National Police (PNP) kung unsa pa nga mga kalihukan sa Abu Sayyaf nga posibling na-apilan ni Nobleza human masayri nga 2013 pa nagsugod ang ilang relasyon ni Ren Ren Dungon.
Gumikan kay Nobleza daw nabalewala na ang mga checkpoint sa Task Force Davao sa mga entrance ug exit points sa Davao gumikan kay daw nahoptan na sa Abu Sayyaf ang SOCO ug Crime Lab sa Davao.
