DAVAO CITY – Gamiton sumala pa sa Davao City Water District ang ilang Panacan Water Supply System (WSS) aron nga mapalambo pa ang supply sa tubig sa pipila ka mga areas sa Cabantian.
Ang Panacan WSS mamahimo sumala pa nga makahatag ug 850 service connections sa usa ka resort sa buhangin, Green Valley, Illumina, Aspen Heights, Doña Trinidad, Blue Diamond, Catitipan Homeowners Assn., ug Puroks 5 ug 6 sa barangay Communal.
Gisugdan na matud pa sa DCWD ang pipelaying works gikan sa Panacan Production Well No. 1 paingon sa Purok 6 sa Brgy. Communal diin tumong niini nga makompleto ang proyekto sa katapusan sa Mayo.
Ang kadumalahan sa DCWD mipasalig nga magbaton ug igong supply sa tubig ang mga establisyemento ug mga residente sa nahisgutan nga lugar.
Gipasalig sab sa DCWD management nga dili makom-promiso ang mga areas nga giserbisyohan sa Panacan WSS gumikan kay laing tinubdan sa tubig partikular na ang Panacan Production Well No. 2 nga laomang maka-generate ug 4,900 cubic meter sa tubig ang gikatakda nga matapos sa katapusan sa bulan sa Mayo.
