DAVAO CITY – Anaa sa 2,000 ka mga indibidwal nga adunay human immunodeficiency virus (HIV) ang nakaangkon ug libre nga anti-retroviral therapy (ART) gikan sa kagamhanan.
Matud pa kang Department of Health (DOH) Davao Region HIV-Aids (acquired immunodeficiency syndrome) program manager Maria Teresa Requillo, nga ang HIV mo-atake sa immune system sa lawas.
Sa higayon nga mapasagdan ang kondisyon, mosangpot sumala pa ang kondisyon ngadto sa Aids.
Subay sa datus gikan sa DOH, nasayran nga 2,000 ka mga pasyente ang mipailalom karon sa ART sa tulo ka mga treatment hubs sa dakbayan sa Davao sukad 2015.
Nasayran kang Requillo nga kalakip sa nahisgutan nga ihap nga libre sa pagtambal ang gilangkuban sa mga bata ug mga hamtong.
Sa milabay nga Enero ning kasamtangan nga tuig lamang, anaa sa 526 katao ang mipailalom sa pagtambal.
