DAVAO CITY – Subling nagpahimangno ang ahensiya sa Department of Health (DOH) ngadto sa publiko nga magbinantayon sa mga sakit sama na lamang sa sore eyes, skin diseases ingon man rabies nga gikan sa pinaakan sa iro nga sagad komon ug taas panahon sa summer.
Gitambagan sab ni DOH Undersecretary Dr. Gerardo Bayugo ang katawhan nga kinahanglan magdala ug payon ug magpalandong kung sobra kainit ang panahon aron nga malikayan ang heat stroke ug sunburn ilabi na sugod sa alas dies sa buntag hangtud na sa alas dos sa hapon.
Nanawagan sab ang opisyal sa mga nanag-iya ug hayop ilabi na ang mga iro nga kinahanglan responsable kini sa pag-atiman ug dili pasagdan aron nga dili makapaak.
Sagad sab sumala pa sa mga sakit nga makuha panahon sa summer ang gilangkuban sa ubo ug sip-on nga hatud sa virus ingon man diarrhea ug pagsuka-suka tungod sa o bacteria.
Angayan sab sumala pa nga likayan ang kontaminasyon sa pagkaon ug tubig nga hinungdan usab sa kalibanga ug gastrointestinal diseases.
Samtang gipasabot sab ni DOH Undersecretary Dr. Herminigildo Valle ang kamahinungdanon sa kanunay nga paghugas sa kamut ug pag-inom ug daghanang tubig o anaa sa dose ka baso karong panahon sa summer aron nga malikayan ang heatstroke ug kanunay nga hydrated.
