DAVAO CITY – Subli nga gibutyag ni Davao City Mayor Inday Sara Duterte-Carpio nga dili siya uyon sa multi-billion Mega Harbour reclamation project, apan nagtuo siya nga mohatud kini ug dakong benepisyo sa siyudad ug dili sab siya mobabag kung ugaling mahinayon man kini.
Matud pa sa Mayor nga napadala na ang mga dokumento sa multi-billion Mega Harbour project sa National Economic Development Authority (Neda) alang sa pag-apruba ug kinahanglan pa kini nga ipailalom sa pag-review sa nahisgutan nga ahensiya.
Gikanayong dili makapahigayon ang Neda ug assessment kung dili makapahatag ang lokal nga panggamhanan ug dokumento nga ilang gikinahanglan sa maong proyekto.
Nasayran nga ang port modernization project usa ka joint venture agreement (JVA) tali sa siyudad ug Mega Harbour Port and Development Incorporated.
Ang JVA una ng gilagdaan ni Pangulong Rodrigo Duterte atol sa iyang termino dihang Mayor pa lamang kini sa siyudad.
