DAVAO CITY – Milampos ang mga rebeldeng New People’s Army (NPA) sa pagsunog sa bulldozer sa negosyante nga bout niining kilkilan bisan kung nagsugod na ang ika-upat nga hugna sa panaghinabing pangkalinaw tali sa GRP ug CPP/NPA/NDFP sa The Netherkands niining adlawa.
Gipanag-iya ang nahisgutan nga heavy equipment sa negosyanteng si Mrs. Obet Cabon.
Natigayon ang pagpanonog sa boundary sa Tabon-Tabon, Sitio Aksam, Barangay Tipoy, lungsod sa Laak, Compostela Valley Province.
Sumala sa mga residente sa lugar nga sa wala pa ang nahisgutan nga pagpanunog dunay namatikdan nga mga 80 ka mga sakop sa NPA sa lugar sa pagpanguna sa usa ka Datu Macatindog.
Gilayon nga naka-report ang mga residente sa 60th IB Philippine Army.
Ulahi na sa dihang nasayran nga ang bulldozer diay sa magpapatigayon ang punterya sa mga rebelde nga bout kilkilan sa grupo ang ilang tuyo.
Nagtanum sab sumala pa sila ug landmine sa dapit, Maayo na lamang kay wala makabusikad ang maong bomba.
Nagpadayon pa ang military operation sa lugar aron nga maabog ang mga rebelde.
