DAVAO CITY – Gigahinan sumala pa ug pinakataas nga alokasyon ang infrastructure projects nga anaa sa P16 million ilalom sa development fund sa Supplemental Budget (SB) 1.
Sa P428.17 million nga SB 1, anaa sa P28.7 million ang gi-alokar sa development fund sa siyudad diin ang P12.7 million niini ang sa non-infrastructure projects samtang ang P16 million ang sa infrastructure projects.
Ilalom sa infrastructure projects ang pinakadako nga pundo niini igahin sa Road Development Program nga anaa sa P7.2 million.
Gisundan kini sa mga gambalay ug uban pang istraktura nga anaa sa P3.8 million, water system – P3 million, ug drainage system – P2 million.
Samtang sa mga non-infrastructure programs, gigahinan ug P5.1 milyon ang social development, anaa sab sa P4.6 million ang development administration ug economic development nga anaa sa P3 million.
Pinasikad sa dokumento nga gipagula sa City Council, ang pinakadako nga source sa SB1 mao ang reversion sa nagkadaiyang appropriations nga anaa sa P184.09 million.
Samtang ang uban nga sources mao sumala pa ang surplus gikan s apundo sa milabay nga tuig nga anaa sa P177.10 million, unappropriated balance sa annual budget alang sa 2017 (P57.46 million), ug 15 porsyento nga share sa collection sukad Enero 2016 hangtud June 2016 sa Office of Building Official (P9.52 million).
