DAVAO CITY – Nagtuo ang City Tourism nga dakong tabang sa turismo sa dakbayan ang hingpit nga paglunsad sa mobile application nga mohatag ug giya sa mga turista kung asa ang mga lugar nga sagad adtoan partikular na ang mga restaurants sa tibuok siyudad.
Matud pa kang Max Limpag, nagmugna sa Davao Guide ug CEO sa Inno Pub, ang developer sa mobile app, tumogn sa maong aplikasyon sa cellphone mao ang pagwagtang sa kabalaka sa mga turista ilabi na sa ilang mga itineraries samtang anaa sila dinhi sa dakbayan.
Kalakip sumala pa sa maong app ang notification system diin pahibaw-on sa lokal nga panggamhanan ang mga turista kalabot sa mga dagkong events nga ipahigayon sa siyudad.
Una na sab nga gibutyag ni Regina Rosa Tecson, ang City Tourism Officer nga pinaagi sa Davao Guide, mas daghanang turista na ang mobisita sa siyudad ug mas dali na lamang sa mga nahisgutan ang pagsuroy-suroy.
Makita sab sumala pa mobile app ang tanan nga mga accredited travel and tours agencies ingon man mga hotels ug restaurants nga adunay tinda nga mga delicacies sa siyudad.
