DAVAO CITY – Gimando na ni Pangulong Rodrigo Duterte ngadto sa kapolisan ug kasundalohan nga pangita-on ang katorse anyos nga batan-ong babaye nga pugsanon nga gihimong combatant sa mga rebeldeng New People’s Army.
Sumala pa kang Pangulong Duterte nga mamahimong ibilin lamang sa mga rebelde mang batan-on, basta mo-abeso lang saila aron nga makuha sa mga otoridad ug madala sa balay-tambalanan.
Kahinumduman nga naghilak nga nagpakitabang ang usa ka Leonila Davis, 52, kinsa nagpakilouy ngadto sa mga rebeldeng NPA nga i-uli ang iyang 14-anyos nga anak babaye nga gihimong combatant sa kalihukan.
Si Davis, nga usa ka mag-uuma ug residente sa Mati City, Davao Oriental, nanawagan kang Pangulong Rodrigo Duterte human nga ang iyang anak nga mo-graduar na unta sa grade 6 pugsanon nga gikuha sa mga rebeldeng NPA niadtong Enero 23.
Igo na lamang gisuginlan ang ginang nga ang iyang anak boluntaryo nga mipasakop sa mga rebelde ug maghikog kung subli niya kuha-on gikan sa kalihukan.
Karong bag-o nasayran ni Ginang Davis nga samdon sa bitiis ang iyang anak atol sa milabay nga engkwentro.
