DAVAO CITY – Kasong multiple homicide ug frustrated homicide ang gihikay batok sa mga sakop sa sakop sa Front Committee 51 sa rebeldeng New People’s Army (NPA) sa pagpanguna sa usa ka Ka Greg nga naglihok sa nahisgutan nga lalawigan.
Kini ang gihatagan ug katin-awan ni Police Senior Supt. Samuel Gadingan, Davao del Sur Provincial Police Office Director human sa pagpang-abush sa mga NPA sa Barangay Sibayan, Bansalan, Davao del Sur.
Sumala pa kang Gadingan nga tumong niini nga dili na masubli pa ang susama nga pagpangataki batok ngadto sa kapolisan nga naga-reponder lamang sa mga panghitabong krimin.
Kahinumduman nga upat ka mga police Bansalan ug SOCO Digos City ang patay, samtang usaka sakop sa SOCO ang angol sa pagpang-ambush nga binuhatan sa mga rebeldeng NPA.
Dugang pa ni Gadingan nga sa kabarangayan dili gayud ma-undang ang mga krimin mao nga matag karon ug unya duna gayu’y nagatungas nga mga kasundalohan nga posibling mabiktima sa mga pagpang-ambush sa mga rebelde. Ang mga police wala gayu’y ikasukol armada sa mga rebelde.
Gisuta na karon sa kapolisan kung binuhatan ba sab sa mga NPA ang pagpatay sa duha ka mga nabiktima sa krimin nga sila si Marlon Lumantas ug Lantoy Albora sa Barangay Sibayan, Bansalan, Davao del Sur.
