DAVAO CITY – Plano karon sa Davao City Transportation and Traffic Management Office (CTTMO) nga matapok ang 2,000 ka mga drivers alang sa ipahigayon nga refresher seminar sa public utility vehicles (PUV), isip rekisitos sa mga jeepney ug taxi drivers aron nga ma-update ang ilang mga identification cards.
Matud pa kang CTTMO head Dionesio Abude, ipahigayon nila karong adlawa hangtud Marso 9 ang orientation sa Almendras Gym nga magsugod sa alas 7:30 sa buntag hangtud na sa alas dose sa udto samtang laing batch usab ang naka-schedule sa hapon.
Una ng mihangyo si Davao City Mayor Sara Duterte-Carpio sa mga hingtungdan nga mga departamento nga kinahanglan ipailalom ang mga driver sa traffic education program aron nga mapahinumdoman ang mga drivers sa ilang mga responsabilidad ug aron malikayan ang bisan unsa man nga mga untoward activities nga kalambigitan sa mga nahisgutan sama na lamang sa spray modus operandi nga hinungdan sa pagkalipong sa mga pasahero.
Una ng gibutyag ni Davao City Administrator Zuleika Lopez nga ihatag ang mga identification cards sa mga drivers paghuman sa seminar.
