DAVAO CITY – Target karon sa Department of Labor and Employment Davao region ang mga walay trabaho nga edad 18 hangtud 24 anyos isip mga benepisiyaryo sa ilang Jobstart program aron masolusyonan ang job mismatch ug unemployment.
Sumala kang DOLE regional employment spokesperson Lauriele Arce nga katunga sa national unemployment rate puros mga kabataan.
Dugang sa nahisgutan nga ang mga kabataan nga walay trabaho, wala naka-eskwela ug wala naka-training dili mamahimo nga makig-kompetensiya sa mga nakatapos ug pagtuon.
Gikanayong kadtong adunay usa ka tuig nga experience ug walay work experience ang kwalipikado sa programa.
Ang Jobstart program usa ka DOLE-initiated program nga gipaluyohan sa usa ka bangko ug Canadian International Development Agency.
Ipatuman ang programa pinaagi sa usa ka Public Employment Service Office sa lokal nga panggamhanan ingon man sa Technical Education and Skills Development Authority.
