DAVAO CITY – Gipangunahan ni Australian Ambassador Amanda Gorely ang paglusad ug pagpromotar sa “Australia in Davao” diin adunay pipila ka mga aktibidad nga ipahigayon aron isaulog ang dugay na partnership sa nahisgutan nga nasud dinhi sa Mindanao partikular na sa dakbayan sa Davao.
Nasayran nga ang Trade ties tali sa Australia ug Pilipinas ang anaa sa AU$ 3.982 billion per annum.
Samtang kapin 280 matud pa nga Australian companies ang anaa karon sa Pilipinas nga nakamugna ug 40,000 ka trabaho.
Aduna sumala pay kinatibuk-an nga investment dinhi sa nasud ang Australia nga kantidad sa AU$10 billion nga gibubo sa mga nagkadaiyang sektor ingon man paghatag ug dugang nga kaalam alang sa pagpalambo sa ekonomiya.
Kaabag sa Australian Embassy ang Davao City Chamber of Commerce and Industry, Inc. sa pagpanguna sa business lunch forum kini aron paghatag ug dugang nga kaalam kalabot sa sektor sa pamatigayon tali sa Mindanao ug Australia.
Nagsilbing keynote speakers sa maong event si Australian Senior Trade & Investment Commissioner Elodie Journet.
