DAVAO CITY – Gilayon nga nagpatala sa iyang reklamo sa Talomo PNP ang usa ka Melvin Magsayo, legal ang pangidaron, operation manager sa usa ka Security agency, ug residente sa Matina ning dakbayan kini human nga gi-unay pagkawat sa usa ka stay-in driver ang construction materials sa iyang agalon.
Naila ang nahisgutan nga driver nga si Agustin Cayanong Jr., minyo, residente sa Purok 18 Brgy. Poblacion Hagonoy Davao del Sur.
Matud pa ni Magsayo, gipangkawat sumala pa ni Cayanong ang mga construction materials sa nagpadayon nga renovation sa pinuy-anan ni Jesus Dureza Jr. nga nahimutang sa number 4 Venus St. GSIS Matina ning dakbayan sa Davao.
Gikanayong walay pananghid ang nahisgutan dihang gipangkuha niini ang mga box sa electrical wires, bulbs, florescent lights ug daghanan pa nga nagkantidad ug P20,000.
Dihang nakiglambigit si Magsayo sa asawa ni Cayanong didto sa Hagonoy Davao del Sur, gibutyag niini nga aduna sumala pay gidala nga mga construction materials ang iyang bana.
Desidido ang nahisgutan nga moduso ug reklamo batok sa suspek.
