DAVAO CITY – Napugos sa paglalin ang gatusan ka mga residente sa Mahayag, Managa, Bansalan, Davaop del Sur human miulbo ang panagsangka tali sa mga rebeldeng NPA ug tropa sa kagamhanan.
Natigayon ang nahisgutan nga panagsangka mga alas 10:55 ang takna sa kabuntagon.
Nasayran nga ang mga ginsaklpan sa Scout Ranger Battalion sa 39th Infantry Battalion sa pagpanguna ni 2lt. Dennis Cortejo nagpahigayon sa ilang combat operation sa Barangay Managa Bansalan, Davao del Sur apan paghi-abot nila sa Sitio Mahayahay, Barangay Managa, Bansalan, Davao del Sur ilang gikatagbo ang daghanan nga mga sakop sa New People’s Army Front Committee 51.
Milungtad ngadto sa usa ka oras ang binaylo-ay ug mga bala tali sa duha ka pundok.
Ang grupo sa mga rebeldeng NPA, dali sab nga mi-withdraw padulong sa tiilan nga bahin sa Mount Apo hinongdan nga pipila ka mga residente sa dapit ang dali nga milalin sa kabalaka nga mapagan sa nahisgutan nga panagsangka.
Ang mga sakop sa 73rd Infantry Battalion Philippine Army nakahimo sab dayon sa pagresponde ug gitabangan ang mga sakop sa 39th Scout Ranger Battalion Philippine Army. Usa ka Kumander Jeffrey ang commander sa Front Committee 51 nga gikasangka sa tropa sa kagamhanan.
