DAVAO CITY – Sa mosunod na sab nga sesyon sa konseho ning siyudad hisgutan ang pag-amyenda sa truck ban kini human nga mihangyo si konsehal Pilar Braga sa City Transportation and Traffic Management Office (CTTMO) nga mosumite ug report kalabot sa experimental truck ban nga gipahigayon dinhi sa siyudad sa milabay nga tuig.
Una ng gihangyo ni Braga ang bag-ong hepe sa CTTMO nga si Retired Officer Dionesio Abude nga ipakita ang report nga magsilbing proteksiyon dili lamang sa proponent ilabi na kung adunay motumaw nga suliran sa maong isyu.
Una ng gibutyag ni Transportation and communication committee chair, Councilor Conrado Baluran, nga epektibo ang pagpatuman sa experimental truck ban sa CTTMO nga maoy basehan sa pag-amyenda sa ordinansa.
Pinasikad sa proposed amendment, dungagan na ang truck ban hours gikan sa 5 a.m. hangtud 9 a.m. alang sa morning rush hours ug 4 p.m. hangtud na sa 7 p.m. Kahinumduman nga sa kasamtangan nga ordinansa gipatuman ang truck ban sugod 7 a.m. hangtud 9 a.m. ug 5 p.m. hangtud 8 p.m. sa gabii.
Nasayran nga ang report sa nahisgutan nga amendments sa truck ban ang gi-aprubahan sa national ug local stakeholders inabagan sa CTTMO ug Land Transportation Office (LTO).
Una ng mitambong sa sesyon si LTO Davao Region Director Gomer Dy ug suportado sumala pa niini ang pag-amyenda sa maong ordinansa.
Una sab nga gibutyag ni Abude nga andam na siya sa pagpatuman sa iyang gimbuhaton sa CTTMO human ang pagtuboy kaniya isip bag-ong hepe sa ahensiya.
