DAVAO CITY – Ang Communist Party of China (CPC), pinaagi sa China Foundation of Development midonar ug USD400,000 alang sa konstruksiyon sa Bolton Elementary School, ning dakbayan.
Matud pa kang International Department Minister of CPC, Song Tao, mibisita sila sa nasud aron nga palambuon pa ang panaghigalaay ingon man partnership ilabi na sa dakbayan sa Davao.
Gawas sa pagpalambo sa tulonghaan, gikanayon sab ni Tao nga modonar sab ang ilang organisasyon ug $200,000 alang sa water facilities.
Gipangunahan ni Tao ang Chinese delegation uban si Chinese Ambassador Zhao Jianhua ingon man ang laing 11 ka mga delegado nga gikan sa China.
Init nga gidawat ang mga nahisgutan sa mga opisyal sa City Council uban ang mga department heads sa siyudad.
Gipangunahan ni Majority Floor Leader Bernard Al-ag uban ni Davao City Administrator Zulieka Lopez ang pagtagbo sa mga bisita sa Davao City Hall.
Samtang mihatag si Tao ug Silk cloth alang kang Mayor Inday Sara- Duterte ug framed embroidery art nga adunay Chinese traditional houses ang gihatag usab kang Vice Mayor Paolo Duterte.
