DAVAO CITY – Nagpakitabang ngadto sa mga tigbalita ang magpapatigayon nga si Tess Dominggo Gaite, tag-iya sa Gaite Group of Companies human nga hangtud karong panahona, daw gibaliwala lamang ang iyang reklamo ngadto sa kapolisan sa Digos City.
Una nang mi-reklamo ang magpapatigayon gumikan sa gika-ingong pagkawat sa ilang mga kabtangan ug mga kagamitan nga mikabat na ngadto sa baynte otso milyones ka pesos sulod sa parke.
Ang nahisgutan nga mga kagamitan gilangkoban sa mga TV nga nawad-an ug usa, upat ka mga sakyanan human nga pugsanon nga gi-padlock sa mga ginsakpan ni Pabling Villaber ang Digos Adventure Park and Zip Line, diin nahabilin ang mga sakyanan ug wala na niya makuha pa sukad niadtong bulan sa septembre sa milabay nga tuig.
Ang mga kabtangan sa mga Gaite nahabilin dihang nasurpresa ang mga ginsakpan ni Gaite sa dihang natigayon ang pag-ilog sa mokabat ngadto sa dose ektaryas nga luna sa yuta nga nahimutangan sa nahisgutan nga zipline sa Purok Narra, Barangay Sinawilan, Digos City.
Gipangtionan sumala pa ug mga armas ang iyang mga ginsakpan, lakip na ang mga construction workers, mga cashiers ug uban pa.
Baynte tres ka mga tawo ang gipalayas gikan sa nahisgutan nga parke nga binuhatan ni Pabling Villaber ug mga kaubanan.
Diha-diha nga na-iulog sa grupo ni Villaver ang luna.
Otsenta milyones ka pesos ang nagasto ni Gaite sa pagpalambo sa dapit apan nabalewala human iloga ni Villaber.
