DAVAO CITY – Girekomenda na sab karon sa City Prosecutor Office nga pasakahan ug kasong theft ang usa ka babaye kinsa nadakpan nga nangawat ug chocolates ug uban pang grocery items sa usa ka Mall sa Bajada ning dakbayan sa Davao.
Naila ang suspetsado nga si Jojie Afuang Soriano, nga temporaryong gibalhug sa Sta. Ana Police Station.
Subay sa resolusyon, adunay nakitang probable cause aron nga pasakahan ug kaso ang dinakpan pinasikad sa affidavit complaint nga giduso sa reklamante sa Mall.
Kahinumduman nga nasakpan sa security guard ang suspek nga nanguha ug unom ka tig 100 grams nga oblerone chocolates nga nagkantidad ug P561.60 nga iyang gi-ipit sa likod ayha misulay paggawas.
Narekober sa mga representante sa Mall gikan sa akusado ang pito ka mga Cadbury chocolates nga kantidad sa P833, Palmolive shampoo – P88, usa ka pack sa coffee mate 250 grams – P49, ug Nescafe 100 grams – P299.
Giresolba pa karon ang kaso sa akusado human nga wala sumala pa niini gidawat ang iyang katungod nga mopailalom sa preliminary investigation.
