DAVAO CITY – Nasakmit ang mga mahait nga mga butang sa gipahigayon nga Oplan Galugad o Grey Hound Operation sa City Jail sa Maa, ning dakbayan sa Davao.
Gipahigayon ang nahisgutan nga operasyon pinaagi sa Department of Interior and Local Government, Philippine Drug Enforcement Agency (PDEA) eleven, Philippine Coastguard, ug ang Bureau of Jail Management and Penology (BJMP) personnel, uban ang Task Force Davao (TFD), PNP ug mga sakop sa media.
Alas 5:45 kagahapon sa buntag dihang gisugdan ang nahisgutan nga operasyon.
Mikabat ngadto sa 3,061 ka mga binilanggo ang kalakip sa gi-rekisa aron sa pagseguro nga wala’y illegal nga druga, ug mga armas ug kutsilyo ang anaa sa ilang posisyon.
Kalakip sa gi-rekisa mao ang mga binilanggo gikan sa Maximum A, Maximum B, ug sa Ultra.
Kalakip sa mga nasakmit mao ang scraft metal baynte dos ka bouk, upat ka bouk bato, 88 ka mga mahait nga mga hinagiban, duha ka karton sa baraha, improvised heater, 60 ka bouk ball pen, ug daghanan pang uban.
Sa milabay nga oplan galusad mopkabat ngadto sa P120 mil ka pesos kapin nga kwarta nga na-recover sulod sa bilanggo-an.
Kini gumikan kay gilimitahan lamang ang mga benelanggo ug usa ka libo ka pesos ang mahoptan sa mga binilanggo.
Sumala pa kang Jail Senior Inspector Allan Pama, usa sa mga ground commander nga sagad sa ilang mga nasakmit nga mga bladed weapons mga improvised lamang.
