DAVAO CITY – Utang nga wala kabayri ang gilantaw nga hinongdan sa pagkapusil-patay sa usa ka tendera sa Barbacue sa Buhangin ning dakbayan.
Nasayran nga patay ang usa ka tendera ug barbecue human nga napusilan sa riding in tandem.
Naila ang biktima nga usa ka Betita Eza, 40 anyos, dalaga, residente sa Waling-Waling St., Buhangin, ning dakbayan sa Davao.
Nasayran nga mga alas 7:00 ang takna niining milabay nga gabii ang biktima namaligya lamang ug barbecue sa Orchid St., ning dakbayan sa Davao, dihang usa ka motorsiklo nga gisakyan ug duha ka tawo, ug ang angkas ang mikanaug ug mipusil patay sa biktima.
Ang biktima nakahi-agum ug samad pinosilan sa aping ug sa tiyan nga bahin.
Alas 8:55 ang takna niining milabay nga gabii nabugtu-an kini sa iyang kinabuhi.
Pinasikad sa imbestigasyon sa Buhangin PNP ang motibo sa nahisgutan nga pagpamusil mao ang utang nga wala kabayri.
Kini nga anggulo ang gitutokan karon sa imbestigasyon sa Buhangin PNP sa pagpanguna ni PCI Mel Grace Driz.
